ပဋိစ္စသမုပ္ပါဒ်အင်္ဂါ (၁၂) ပါး

ပဋိစ္စသမုပ္ပါဒ်အင်္ဂါ (၁၂) ပါး
၂၂၅။ (၁) သစ္စာလေးပါးတို့ကို မသိခြင်း အ၀ိဇ္ဇာ ဟူသော အကြောင်းကြောင့် ပြုပြင်စီရင်မှု သင်္ခါရတို့ ဖြစ်ကုန်၏။
(၂) ပြုပြင်စီရင်မှု သင်္ခါရဟူသော အကြောင်းကြောင့် သိမှု ၀ိညာဏ် သည် ဖြစ်၏။
(၃) သိမှု ၀ိညာဏ်ဟူသော အကြောင်းကြောင့် နာမ်ရုပ် သည် ဖြစ်၏။
(၄) နာမ်ရုပ်ဟူသော အကြောင်းကြောင့် အာယတန ခြောက်ပါးသည် ဖြစ်၏။
(၅) အာယတန ခြောက်ပါးဟူသော အကြောင်းကြောင့် တွေ့ထိမှု ဖဿ သည် ဖြစ်၏။
(၆) တွေ့ထိမှု ဖဿဟူသော အကြောင်းကြောင့် ခံစားမှု ဝေဒနာသည် ဖြစ်၏။
(၇) ခံစားမှု ဝေဒနာဟူသော အကြောင်းကြောင့် တပ်မက်မှု တဏှာသည် ဖြစ်၏။
(၈) တပ်မက်မှု တဏှာဟူသော အကြောင်းကြောင့် စွဲလမ်းမှု ဥပါဒါန် သည် ဖြစ်၏။
(၉) စွဲလမ်းမှု ဥပါဒါန်ဟူသော အကြောင်းကြောင့် ဘ၀သည် ဖြစ်၏။
(၁၀) ဘ၀ဟူသော အကြောင်းကြောင့် ပဋိသန္ဓေနေခြင်း ဇာတိ သည် ဖြစ်၏။
(၁၁) ပဋိသန္ဓေနေခြင်း ဇာတိ ဟူသော အကြောင်းကြောင့် အိုခြင်း ဇရာ၊ သေခြင်း မရဏ သည်ဖြစ်၏။
(၁၂) အိုခြင်း ဇရာ၊ သေခြင်း မရဏဟူသော အကြောင်းကြောင့် စိုးရိမ်ပူဆွေးခြင်း သောက၊ ငိုကြွေးခြင်း ပရိဒေ၀၊ ကိုယ်ဆင်းရဲခြင်း ဒုက္ခ၊ စိတ်ဆင်းရဲခြင်း ဒေါမနဿ၊ ပြင်းစွာပူလောင်ခြင်း ဥပါယာသ တို့သည် ဖြစ်ကုန်၏။ ဤဆိုခဲ့ပြီးသောနည်းဖြင့်ချမ်းသာနှင့် မရောသော ဤဆင်းရဲမှု အစုအပုံ၏ ထင်ရှား ဖြစ်ပေါ်ခြင်းသည် ဖြစ်၏။

ဣနြေ္ဒ ၂၂-ပါး

ဣနြေ္ဒ ၂၂-ပါး
(၁) စက္ခုနြေ္ဒ
(၂) သောတိနြေ္ဒ
(၃) ဃာနိနြေ္ဒ
(၄) ဇိဝှိနြေ္ဒ
(၅) ကာယိနြေ္ဒ
(၆) မနိနြေ္ဒ
(၇) ဣတ္ထိနြေ္ဒ
(၈) ပုရိသိနြေ္ဒ
(၉) ဇီဝိတိနြေ္ဒ
(၁၀) သုခိနြေ္ဒ
(၁၁) ဒုက္ခိနြေ္ဒ
(၁၂) သောမနဿိနြေ္ဒ
(၁၃) ဒေါမနဿိနြေ္ဒ
(၁၄) ဥပေက္ခိနြေ္ဒ
(၁၅) သဒ္ဒိနြေ္ဒ
(၁၆) ၀ီရိယိနြေ္ဒ
(၁၇) သတိနြေ္ဒ
(၁၈) သမာဓိနြေ္ဒ
(၁၉) ပညိနြေ္ဒ
(၂၀) အနညာတညဿာမီတိနြေ္ဒ
(၂၁) အညိနြေ္ဒ
(၂၂) အညာတာဝိနြေ္ဒ

ရုပ်နာမ်တရားတို့ကို အစိုးရသည့် ဣနြေ္ဒနှစ်ဆယ့်နှစ်ပါးတို့ကား-
(၁) မြင်မှု၌ အစိုးရသည့် မျက်စိအကြည် (စက္ခုပသာဒ) စက္ခုနြေ္ဒ၊
(၂) ကြားမှု၌ အစိုးရသည့် နားအကြည် (သောတပသာဒ) သောတိနြေ္ဒ၊
(၃) နံမှု၌ အစိုးရသည့် နှာခေါင်းအကြည် (ဃာနပသာဒ) ဃာနိနြေ္ဒ၊
(၄) လျက်မှု၌ အစိုးရသည့် လျှာအကြည် (ဇိဝှါပသာဒ) ဇိဝှိနြေ္ဒ၊
(၅) ထိမှု၌ အစိုးရသည့် ကိုယ်အကြည် (ကာယပသာဒ) ကာယိနြေ္ဒ၊
(၆) သိမှု၌ အစိုးရသည့် (စိတ် ၈၉-ခု) မနိနြေ္ဒ၊
(၇) မိန်းမ (အမ) ဖြစ်ကြောင်း၌ အစိုးရသည့် (ဣတ္ထိဘာဝရုပ်) ဣတ္ထိနြေ္ဒ၊
(၈) ယောက်ျား (အထီး အဖို) ဖြစ်ကြောင်း၌ အစိုးရသည့် (ပုမ္ဘာဝရုပ်) ပုရိသိနြေ္ဒ၊
(၉) ရုပ်နာမ်နှစ်ပါးအသက်ရှင်မှု၌ အစိုးရသည့် (ရုပ်ဇီဝိတ၊ နာမ်ဇီဝိတ) ဇီဝိတိနြေ္ဒ၊
(၁၀) ကိုယ်ချမ်းသာ ခံစားမှု၌ အစိုးရသည့် (သုခဝေဒနာ) သုခိနြေ္ဒ၊
(၁၁) ကိုယ်ဆင်းရဲ ခံစားမှု၌ အစိုးရသည့် (ဒုက္ခဝေဒနာ) ဒုက္ခိနြေ္ဒ၊
(၁၂) စိတ်ချမ်းသာမှု၌ အစိုးရသည့် (သောမနဿဝေဒနာ) သောမနဿိနြေ္ဒ၊
(၁၃) စိတ်ဆင်းရဲမှု၌ အစိုးရသည့် (ဒေါမနဿဝေဒနာ) ဒေါမနဿိနြေ္ဒ၊
(၁၄) ဆင်းရဲ ချမ်းသာ မဟုတ်သည့် ခံစားမှု၌ အစိုးရသည့် (ဥပေက္ခာဝေဒနာ) ဥပေက္ခိနြေ္ဒ၊
(၁၅) ယုံကြည်မှု၌ အစိုးရသည့် (သဒ္ဓါစေတသိက်) သဒ ̈ိနြေ္ဒ၊
(၁၆) ကြိုးစားမှု၌ အစိုးရသည့် (၀ီရိယစေတသိက်) ၀ီရိယိနြေ္ဒ၊
(၁၇) အောက်မေ့မှု၌ အစိုးရသည့် (သတိစေတသိက်) သတိနြေ္ဒ၊
(၁၈) တည်ကြည်မှု၌ အစိုးရသည့် (ဧကဂ္ဂတာစေတသိက်) သမာဓိနြေ္ဒ၊
(၁၉) ခွဲခြမ်းဝေဖန်၍ သိမှု၌ အစိုးရသည့် (လောကီပညာစေတသိက်) ပညိနြေ္ဒ၊
(၂၀) မသိဖူးသေးသည့် သစ္စာတရားတို့ကို ထိုးထွင်းသိမှု၌ အစိုးရသည့် (သောတာပတ္တိမဂ္ဂပညာ)
အနညာတညဿာမီတိနြေ္ဒ၊
(၂၁) သိပြီးသော သစ္စာတရားတို့ကို ထပ်၍ သိမှု၌ အစိုးရသည့် (အလယ်လောကုတ္တရာ ပညာ
ခြောက်ပါး) အညိနြေ္ဒ၊
(၂၂) ရဟန္တာပုဂ္ဂိုလ်၏ သစ္စာတရားတို့ကို သိမှု၌ အစိုးရသည့် (အရဟတ္တဖိုလ်ပညာ) အညာတာ
ဝိနြေ္ဒတို့တည်း။

will power ဆန္ဒိဒ္ဓိပါဒ် - ဆန္ဒကြီးမှူးသော တန်ခိုးကြီးကြောင်း ဣဒ္ဓိပါဒ်

(၁) ဆန္ဒိဒ္ဓိပါဒ် - ဆန္ဒကြီးမှူးသော တန်ခိုးကြီးကြောင်း ဣဒ္ဓိပါဒ်
ဆန္ဒကို အကြီးအမှူးပြု၍ တည်ကြည်မှု သမာဓိက်ို ရခြင်း (စိတ်၏ တစ်ခုတည်းသော အာရုံရှိသည်၏ အဖြစ်) သည် ဆန္ဒကြီးမှူးသော သမာဓိ ဖြစ်၏။
မဖြစ်သေးသော အကုသိုလ် အယုတ်တရားတို့ကို မဖြစ်စေရန် ဆန္ဒကို ဖြစ်စေ၏၊ လုံ့လပြု၏၊ လုံ့လထုတ်၏၊ စိတ်ကို မြှောက်ပင့်၏၊ အဆက်မပြတ် အားထုတ်၏၊ ဖြစ်ပြီးသော (မဖြစ်တော့ဟု မဆိုနိုင်သော) အကုသိုလ် အယုတ်တရားတို့ကို ပယ်ရန် ဆန္ဒကို ဖြစ်စေ၏၊ လုံ့လပြု၏၊ လုံ့လ ထုတ်၏၊ စိတ်ကို မြှောက်ပင့်၏၊ အဆက်မပြတ် အားထုတ်၏။ မဖြစ်ဖူးသေးသော ကုသိုလ်တရားတို့ကို ဖြစ်ပေါ်စေရန် ဆန္ဒကို ဖြစ်စေ၏၊ လုံ့လပြု၏၊ လုံ့လထုတ်၏၊ စိတ်ကို မြှောက်ပင့်၏၊ အဆက်မပြတ် အားထုတ်၏။ ဖြစ်ပြီးသော ကုသိုလ်တရားတို့ တည်တံ့ရန် မပျောက်ပျက်ရန် များစွာ ဖြစ်ပွါးရန် ပြန့်ပြောရန် တိုးပွါးရန် ပြည့်စုံစေရန် ဆန္ဒကို ဖြစ်စေ၏၊ လုံ့လပြု၏၊ လုံ့လထုတ်၏၊ စိတ်ကို မြှောက်ပင့်၏၊ အဆက်မပြတ် အားထုတ်၏။ ဤတရားတို့ကို သမ္မပ္ပဓာန်ကိစ္စ တပ်သော ၀ီရိယဟု ဆိုအပ်ကုန်၏။ ဤသို့ ဤဆန္ဒကြီးမှူးသော သမာဓိက်ို လည်းကောင်း၊ သမ္မပ္ပဓာန်ကိစ္စတပ်သော ၀ီရိယတို့ကို လည်းကောင်း တစ်ပေါင်းတည်းပေါင်း၍ အကျဉ်းချုံး၍ ဆန္ဒကြီးမှူးသော သမာဓိ၊ သမ္မပ္ပဓာန် ကိစ္စတပ်သော ၀ီရိယ ဟူ၍ သာလျှင် ခေါ်ဝေါ်ခြင်းသို့ ရောက်၏။
ထိုတရားတို့တွင် အဘယ်သည် ဆန္ဒ မည်သနည်း။
အကြင် လိုလားမှု ဆန္ဒ၊ လိုလားသည်၏ အဖြစ် ဆန္ဒိကတာ၊ ပြုလိုသည်၏ အဖြစ် ကတ္တုကမျတာ၊ ကုသိုလ်တရားတို့ကို လိုလားမှု ကုသလဓမ္မစ္ဆန္ဒ သည် ရှိ၏။ ဤသဘောကို ဆန္ဒဟု ဆိုအပ်၏။
ထိုတရားတို့တွင် အဘယ်သည် တည်ကြည်မှု သမာဓိ မည်သနည်း။
အကြင် စိတ်၏ (အာရုံ၌) တည်နေမှု ဌိတိ၊ ကောင်းစွာ တည်နေမှု သဏ္ဍိတိ၊ သက်ဝင်၍ တည်နေမှု အ၀ဌိတိ၊ မရွေ့ရှားမှု အ၀ိသာဟာရ၊ မပျံ့လွင့်မှု အ၀ိက္ခေပ၊ မရွေ့ရှားသော စိတ်ရှိသည်၏ အဖြစ် အ၀ိသာဟဋ မာနသတာ၊ ငြိမ်သက်မှု သမထ၊ အစိုးတရ တည်ကြည်မှု သမာဓိနြေ္ဒ၊ မတုန်မလှုပ် တည်ကြည်မှု သမာဓိဗိုလ်၊ မဖောက်မပြန် ကောင်းစွာ တည်ကြည်မှု သမ္မာသမာဓိ သည် ရှိ၏၊ ဤသဘောကို တည်ကြည်မှု သမာဓိ ဟု ဆိုအပ်၏။
ထိုတရားတို့တွင် အဘယ်သည် သမ္မပ္ပဓာန်ကိစ္စတပ်သော ၀ီရိယ မည်သနည်း။
အကြင် စိတ်၌ ဖြစ်သော အားထုတ်မှု ၀ီရိယာရမ္ဘ၊ ပျင်းရိခြင်းမှ ထွက်မြောက်မှု နိက္ကမ၊ အဆင့်ဆင့် တိုးတက်အားထုတ်မှု ပရက္ကမ၊ အထက်တန်းရောက်အောင် ကြိုးပမ်းမှု ဥယျာမ၊ လုံ့လစိုက်မှု ၀ါယာမ၊ ဆင်းရဲကို သည်းခံမှု ဥဿာဟ၊ အပြင်းအထန် ကြိုးစားမှု ဥေဿာဠီ၊ ခိုင်မြဲမှု ထာမ၊ ဆောင်ထားမှု ဓိတိ၊ မလျော့သော လုံ့လရှိခြင်း အသိထိလပရက္ကမတာ၊ မချသော ဆန္ဒရှိခြင်း အနိက္ခိတ္တဆန္ဒတာ၊ မချသော ၀န်ရှိခြင်း အနိက္ခိတ္တဓုရတာ၊ တာဝန်ကို ကောင်းစွာ ထမ်းဆောင်မှု ဓုရသမ္ပဂ္ဂါဟ၊ ရဲရင့်သည်၏ အဖြစ် ၀ီရိယ၊ အစိုးတရ အားထုတ်မှု ၀ီရိယိနြေ္ဒ၊ မတုန်မလှုပ် အားထုတ် မှု ၀ီရိယဗိုလ်၊ ကောင်းစွာ အားထုတ်မှု သမ္မာဝါယာမ သည် ရှိ၏။ ဤသဘောကို သမ္မပ္ပဓာန်ကိစ္စ တပ်သော ၀ီရိယဟု ဆိုအပ်၏။ ဤသို့ ဤလိုလားမှု ဆန္ဒနှင့် လည်းကောင်း၊ ဤတည်ကြည်မှု သမာဓိနှင့် လည်းကောင်း၊ ဤသမ္မပ္ပဓာန်ကိစ္စတပ်သော ၀ီရိယနှင့် လည်းကောင်း ပြည့်စုံ၏၊ ကောင်းစွာ ပြည့်စုံ၏၊ ပြည့်စုံခြင်းသို့ ရောက်၏၊ ကောင်းစွာ ပြည့်စုံခြင်းသို့ ရောက်၏။ ထို့ကြောင့် ဆန္ဒ ကြီးမှူးသော သမာဓိ၊ သမ္မပ္ပဓာန် ကိစ္စတပ်သော ၀ီရိယနှင့် ပြည့်စုံ၏ ဟု ဆိုအပ်၏။
တန်ခိုး ဟူသည် ထိုတရားတို့၏ ပြည့်စုံခြင်းတည်း၊ ကောင်းစွာ ပြည့်စုံခြင်းတည်း၊ ပြည့်စုံသော အခြင်းအရာတည်း၊ ကောင်းစွာ ပြည့်စုံသော အခြင်းအရာတည်း၊ ရခြင်းတည်း၊ အထပ်ထပ် ရခြင်းတည်း၊ ရောက်လာခြင်းတည်း၊ ကောင်းစွာ ရောက်လာခြင်းတည်း၊ ပေါင်းဆုံရခြင်းတည်း၊ မျက်မှောက် ပြုရခြင်းတည်း၊ လက်ရှိ ပြည့်စုံခြင်းတည်း။ တန်ခိုးကြီးကြောင်း တရား ဟူသည် ထိုဆန္ဒာဓိပတိတပ် သော ပုဂ္ဂိုလ်၏ ခံစားမှု အစု ဝေဒနာက္ခန္ဓာ၊ မှတ်သားမှု အစု သညာက္ခန္ဓာ၊ ပြုပြင်မှု အစု သင်္ခါရက္ခန္ဓာ၊ သိမှု အစု ၀ိညာဏက္ခန္ဓာ တည်း။ တန်ခိုးကြီးသော တရားကို ပွါးများ၏ ဟူသည် ထိုဆန္ဒစသော တရားတို့ကို မှီဝဲ၏၊ အားထုတ်၏၊ အကြိမ်များစွာ ပြု၏၊ ထို့ကြောင့် တန်ခိုးကြီးကြောင်း တရားကို ပွါးများ၏ ဟု ဆိုအပ်၏။

တရားကျင့်ခြင်း

တရားကျင့်ခြင်း
၅၀၈။ ဤသာသနာတော်၌ ရဟန်းသည် ပါတိမောက္ခသံဝရသီလကို စောင့်ထိန်းလျက် နေ၏။ အကျင့် အာစာရ၊ ကျက်စားရာ ဂေါစရ နှင့် ပြည့်စုံ၏။ အနည်းငယ်မျှသော အပြစ်တို့၌သော်လည်း ဘေးဟု ရှုလေ့ရှိ၏။ သိက္ခာပုဒ်တို့၌ ကောင်းစွာ ဆောက်တည်၍ ကျင့်၏။ (မျက်စိစသော) ဣနြေ္ဒတို့၌ လုံခြုံသော တံခါးရှိ၏။ စားဖွယ် ဘောဇဉ်၌ အတိုင်းအရှည်ကို သိ၏။ ညဥ့်ဦးယံ၊ မိုးသောက်ယံပတ်လုံး နိုးကြားခြင်းငှါ အားထုတ်ခြင်းနှင့် ယှဉ်၏။ မပြတ်မလပ် ဖြစ်စေအပ်သော လုံ့လ၊ ရင့်ကျက်သော ပညာ နှင့် ပြည့်စုံ၏။ ဗောဓိပက္ခိယ တရားတို့ကို ပွါးများခြင်းငှါ အားထုတ်ခြင်းနှင့် ယှဉ်၏။ သတိသမ္ပဇဉ် ပွါးများနည်း ထိုရဟန်းသည် ရှေ့သို့ တက်ရာ နောက်သို့ ဆုတ်ရာ၌ ပညာဖြင့် ဆင်ခြင်၍ ပြုလေ့ရှိ၏၊ တူရူကြည့်ရာ တစောင်းကြည့်ရာ၌ ပညာဖြင့် ဆင်ခြင်၍ ပြုလေ့ရှိ၏၊ ကွေးရာ ဆန့်ရာ၌ ပညာဖြင့် ဆင်ခြင်၍ ပြုလေ့ရှိ၏၊ ဒုကုဋ် သပိတ် သင်္ကန်းကို ဆောင်ရာ၌ ပညာဖြင့် ဆင်ခြင်၍ ပြုလေ့ရှိ၏၊ စားရာသောက်ရာ ခဲရာ လျက်ရာ၌ ပညာဖြင့် ဆင်ခြင်၍ ပြုလေ့ရှိ၏၊ ကျင်ကြီး ကျင်ငယ်စွန့်ရာ၌ ပညာဖြင့် ဆင်ခြင်၍ ပြုလေ့ရှိ၏၊ သွားရာ ရပ်ရာ ထိုင်ရာ အိပ်ရာ နိုးရာ ပြောဆိုရာ ဆိတ်ဆိတ် နေရာတို့၌ ပညာဖြင့် ဆင်ခြင်၍ ပြုလေ့ရှိ၏။ တောကျောင်းအင်္ဂါ။ ထိုရဟန်းသည် နည်းသော အသံ ရှိသော၊ ကျယ်လောင်သော အသံမရှိသော၊ လှည့်လည် သွားလာသော လူတို့၏ အနံ့မှ ကင်းသော၊လူသံ စသည်တို့မှ တိတ်ဆိတ်သော၊ တစ်ယောက်တည်း ကိန်းအောင်း ရန်သင့်လျှော် လျောက်ပတ်သော၊ တော၊ သစ်ပင်ရင်း၊ တောင်၊ ချောက်၊ တောင်ခေါင်း (ဂူ) သင်္ချိုင်း၊ တောအုပ်၊ လွင်ပြင်၊ ကောက်ရိုးပုံ ဟူသော ဆိတ်ငြိမ်သော ကျောင်း အိပ်ရာ နေရာကို မှီဝဲ၏။ ထိုရဟန်းသည် တောသို့ ကပ်၍သော် လည်းကောင်း၊ သစ်ပင်ရင်းသို့ ကပ်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်၍သော် လည်းကောင်း ထက်ဝယ်ဖွဲ့ခွေပြီးလျှင် ကိုယ်ကို ဖြောင့်မတ်စွာ ထား၍ ကမ္မဋ္ဌာန်းသို့ ရှေးရှုသတိကို ဖြစ်စေလျက် ထိုင်၏။

ကျင့်အပ်သော အကျင့်
ကိုယ်၌ ဖြစ်သော မလွန်ကျူးခြင်း၊ နှုတ်၌ ဖြစ်သော မလွန်ကျူးခြင်း၊ ကိုယ်နှုတ်၌ ဖြစ်သော မလွန်ကျူးခြင်းသည် ရှိ၏။ ဤသဘောကို ကျင့်အပ်သော အကျင့်ဟု ဆိုအပ်၏။ သီလ စောင့်ထိန်းမှု အားလုံးသည်လည်း ကျင့်အပ်သော အကျင့် မည်၏။ ဤသာသနာတော်၌ အချို့သော ရဟန်းသည် ၀ါးပေးခြင်းဖြင့် လည်းကောင်း၊ သစ်ရွက်ပေးခြင်းဖြင့် လည်းကောင်း၊ ပန်းပေးခြင်းဖြင့် လည်းကောင်း၊ သစ်သီးပေးခြင်းဖြင့် လည်းကောင်း၊ ရေချိုးဆပ်ပြာမှုန့်ပေးခြင်းဖြင့် လည်းကောင်း၊ ဒန်ပူပေးခြင်းဖြင့် လည်းကောင်း၊ ချစ်ခင်စေလို၍ မြှောက်ပင့်ပြောဆိုခြင်း ဖြင့် လည်းကောင်း၊ အမှန်နည်းပါး အမှားများသော စကားကို ပြောဆိုခြင်းဖြင့် လည်းကောင်း၊ ကလေးချော့ ကလေးထိန်းပေးခြင်းဖြင့် လည်းကောင်း၊ လူတို့အတွက် သတင်းပို့ပေးခြင်းဖြင့် လည်းကောင်း၊ မြတ်စွာဘုရား စက်ဆုပ်တော်မူအပ်သော မှားသော အသက်မွေးမှု တစ်ခုခုဖြင့် လည်းကောင်း အသက်မွေးမြူခြင်း မပြုပေ။ ဤသဘောကို ကျင့်အပ်သော အကျင့်ဟု ဆိုအပ်၏။



ကျက်စားသင့်သော နေရာ
ဤသာသနာတော်၌ အချို့သော ရဟန်းသည် ပြည့်တန်ဆာမအိမ်၌ မကျက်စား၊ မုဆိုးမအိမ်၌ မကျက်စား၊ အပျိုကြီးအိမ်၌ မကျက်စား၊ ပဏ္ဍုက်အိမ်၌ မကျက်စား၊ ဘိက္ခုနီမကျောင်း၌ မကျက်စား၊ သေတင်းကုပ်၌ မကျက်စား၊ မင်းတို့နှင့် လည်းကောင်း၊ မင်း၏အမတ်တို့နှင့် လည်းကောင်း၊ တိတ္ထိတို့နှင့် လည်းကောင်း၊ တိတ္ထိတပည့်တို့နှင့် လည်းကောင်း သာသနာတော်နှင့် မလျောက်ပတ်သော ဆက်ဆံခြင်း ဖြင့် မဆက်ဆံမူ၍ နေ၏။ ရဟန်း ယောက်ျား ရဟန်းမိန်းမ ဥပါသကာယောက်ျား ဥပါသိကာမိန်းမတို့ အား သဒ္ဒါတရားရှိကုန်သော၊ ကြည်ညိုကုန်သော၊ ရေတွင်းသဖွယ် ဖြစ်ကုန်သော၊ သင်္ကန်းအရောင်ဖြင့် တောက်ပကုန်သော ရဟန်းတို့၏ သင်္ကန်းကိုယ်တို့မှ ဖြစ်သော လေတို့ဖြင့် လှိုင်ကုန်သော၊ အကျိုးကို အလိုရှိကုန်သော၊ စီးပွါးကို အလိုရှိကုန်သော၊ ချမ်းသာကို အလိုရှိကုန်သော၊ ယောဂကုန်ရာကို အလိုရှိ ကုန်သော အကြင် အမျိုး (ဒါယကာ) တို့သည် ရှိကုန်၏။ ထိုသို့ သဘောရှိသော အမျိုး (ဒါယကာ) တို့ကို မှီဝဲ၏၊ ဆည်းကပ်၏၊ ချဉ်းကပ်၏၊ ဤသဘောကို ကျက်စားသင့်သော နေရာဟု ဆိုအပ်၏။

အနည်းငယ်မျှသော အပြစ်တို့၌သော်လည်း ဘေးဟု ရှုလေ့ရှိ၏
အပြစ်ကို ဘေးဟုရှုခြင်း အကြင် အပြစ်တို့သည် ငယ်သော အတိုင်းအရှည် ရှိကုန်၏၊ အနည်းငယ် အောက်လျော့သော အတိုင်းအရှည် ရှိကုန်၏၊ ပေါ့ကုန်၏၊ ပေါ့၏ဟု သမုတ်အပ်ကုန်၏၊ စောင့်စည်းခြင်းဖြင့် ကုစားအပ်ကုန်၏၊ စောင့်ရှောက်ခြင်းဖြင့် ကုစားအပ်ကုန်၏၊ စိတ်ဖြင့် ကုစားအပ်ကုန်၏၊ နှလုံးသွင်း ခြင်းဖြင့် ကုစားအပ်ကုန်၏၊ ဤသဘောတို့ကို အနည်းငယ်မျှသော အပြစ်တို့ဟု ဆိုအပ်ကုန်၏။ ဤသို့ ဤအနည်းငယ်မျှသော အပြစ်တို့၌ အပြစ်အားဖြင့် ရှုလေ့ရှိ၏၊ ဘေးအားဖြင့် ရှုလေ့ရှိ၏၊ အပြစ်ရှိသော အားဖြင့် ရှုလေ့ရှိ၏၊ ထွက်မြောက်ရာကို ရှုလေ့ရှိ၏၊ ထို့ကြောင့် “အနည်းငယ်မျှသော အပြစ်တို့၌သော်လည်း ဘေးဟု ရှုလေ့ရှိ၏” ဟု ဆိုအပ်၏။

သိက္ခာပုဒ်တို့၌ ကောင်းစွာ ဆောက်တည်၍ ကျင့်၏
သိက္ခာပုဒ်ကို ကျင့်ခြင်း ရဟန်းတို့၏ ရဟန်းသိက္ခာ (ကျင့်ဝတ်)၊ ရဟန်းမိန်းမတို့၏ ရဟန်းမိန်းမ သိက္ခာ (ကျင့်ဝတ်)၊ ဥပါသကာယောက်ျားတို့၏ ဥပါသကာယောက်ျားသိက္ခာ (ကျင့်ဝတ်)၊ ဥပါသိကာ မိန်းမတို့၏ ဥပါသိကာမိန်းမသိက္ခာ (ကျင့်ဝတ်)ဟူ၍ ကျင့်အပ်သော သိက္ခာတို့သည် လေးပါးရှိကုန်၏။ ဤလေးပါးတို့ကို ကျင့်အပ်သော သိက္ခာတို့ဟု ဆိုအပ်ကုန်၏။ ဤသို့ ဤသိက္ခာတို့၌ သိက္ခာပုဒ် အားလုံးနှင့် ကျင့်အပ်သော အခြင်းအရာ အားလုံးကို အကြွင်းမရှိ အကျန်မရှိ ဆောက်တည်၍ ကျင့်၏။ ထို့ကြောင့် “သိက္ခာပုဒ်တို့၌ ကောင်းစွာ ဆောက်တည်၍ ကျင့်၏” ဟု ဆိုအပ်၏။

ဣနြေ္ဒတို့၌ လုံခြုံသော တံခါးရှိ၏
ဤသာသနာတော်၌ အချို့သော ရဟန်းသည် မျက်စိဖြင့် ရူပါရုံကို မြင်သည်ရှိသော် (ယောက်ျား မိန်းမစသော) ပုံသဏ္ဍာန် အမှတ်နိမိတ်ကို စွဲယူလေ့မရှိ၊ (လက်ခြေစသော အင်္ဂါ ပြုံးဟန် ရယ်ဟန်စသော အမူအရာ) အသေးစိတ် အမှတ်လက္ခဏာကို စွဲယူလေ့မရှိ၊ အကြင် စက္ခုနြေ္ဒကို မစောင့်စည်းခြင်း ဟူသော အကြောင်းကြောင့် စက္ခုနြေ္ဒကို မစောင့်စည်းဘဲနေသော ထိုရဟန်းကို တပ်မက်မှု အဘိဇ္ဈာ၊ နှလုံးမသာယာမှု ဒေါမနဿ ဟူကုန်သော ယုတ်မာကုန်သော အကုသိုလ် တရားတို့သည် အဖန်တလဲလဲ လိုက်၍ နှိပ်စက်ကုန်ရာ၏။ (ထိုရဟန်းသည်) ထိုစက္ခုနြေ္ဒကို စောင့်စည်းရန် ကျင့်၏၊ စက္ခုနြေ္ဒကို စောင့်ရှောက်၏၊ စက္ခုနြေ္ဒ၌ စောင့်စည်းခြင်းသို့ ရောက်၏။
နားဖြင့် သဒ္ဒါရုံကို ကြားသည် ရှိသော်...
နှာခေါင်းဖြင့် ဂန္ဓာရုံကို နမ်းသည်ရှိသော်...
လျှာဖြင့် ရသာရုံကို လျက်သည်ရှိသော်...
ကိုယ်ဖြင့် ဖောဋ္ဌဗ္ဗာရုံကို တွေ့ထိသည်ရှိသော်...
စိတ်ဖြင့် ဓမ္မာရုံကို သိသည်ရှိသော် (ယောက်ျား မိန်းမစသော) ပုံသဏ္ဍာန် အမှတ်နိမိတ်ကို ယူလေ့မရှိ၊ (လက် ခြေစသော အင်္ဂါ ပြုံးဟန် ရယ်ဟန်စသော အမူအရာ) အသေးစိတ် အမှတ်လက္ခဏာကို စွဲယူလေ့ မရှိ၊ အကြင် မနိနြေ္ဒကို မစောင့်စည်းခြင်းတည်းဟူသော အကြောင်းကြောင့် မနိနြေ္ဒကို မစောင့်စည်းဘဲနေသော ထိုရဟန်းကို တပ်မက်မှု အဘိဇ္ဈာ၊ နှလုံးမသာယာမှု ဒေါမနဿ ဟူကုန်သော ယုတ်မာကုန်သော အကုသိုလ်တရားတို့သည် အဖန်တလဲလဲ လိုက်၍ နှိပ်စက်ကုန်ရာ၏။ (ထိုရဟန်းသည်) ထိုမနိနြေ္ဒကို စောင့်စည်းရန် ကျင့်၏၊ မနိနြေ္ဒကို စောင့်ရှောက်၏၊ မနိနြေ္ဒ၌ စောင့်စည်းခြင်းသို့ ရောက်၏။ ဤဣနြေ္ဒ ခြောက်ပါးတို့ကို အကြင် လုံခြုံခြင်းသည် လုံခြုံသော အခြင်းအရာသည် စောင့်ရှောက်ခြင်းသည် စောင့်စည်းခြင်းသည် ရှိ၏၊ ဤသဘောကို ဣနြေ္ဒတို့၌ လုံခြုံသော တံခါးရှိခြင်း ဟု ဆိုအပ်၏။ ဤဣနြေ္ဒတို့၌ လုံခြုံသော တံခါးရှိခြင်းနှင့် ပြည့်စုံ၏၊ ကောင်းစွာ ပြည့်စုံ၏။ ပြည့်စုံခြင်းသို့ ရောက်၏။ ထို့ကြောင့် “ဣနြေ္ဒတို့၌ လုံခြုံသော တံခါးရှိ၏”ဟု ဆိုအပ်၏။

စားဖွယ်ဘောဇဉ်၌ အတိုင်းအရှည်ကို သိခြင်း
ဤသာသနာတော်၌ အချို့သော ရဟန်းသည် သင့်သော အကြောင်းအားဖြင့် ပညာဖြင့် ဆင်ခြင်၍ အာဟာရကို မှီဝဲပါ၏၊ မြူးထူးရန် မဟုတ်ပါ၊ မာန်ယစ်ရန် မဟုတ်ပါ၊ ကိုယ်လက် အင်္ဂါ ပြည့်ဖြိုးရန် မဟုတ်ပါ၊ အရေအဆင်း တင့်တယ်လှပရန် မဟုတ်ပါ၊ ဤခန္ဓာကိုယ်၏ တည်တံ့ရန်သာ၊ မျှတရန်သာ၊ ဆာလောင်မွတ်သိပ်၍ ပင်ပန်းခြင်းကို ပယ်ဖျောက်ရန်သာ၊ အကျင့်မြတ်ကို ချီးမြှောက်ရန်သာ အာဟာရကို မှီဝဲပါ၏၊ ဤသို့ မှီဝဲခြင်းဖြင့် ဝေဒနာဟောင်းကိုလည်း ပယ်ဖျောက်အံ့၊ ဝေဒနာသစ်ကိုလည်း မဖြစ်စေအံ့၊ ငါ့အား မျှတခြင်းသည် လည်းကောင်း၊ အပြစ် မရှိခြင်းသည် လည်းကောင်း၊ ချမ်းသာစွာ နေရခြင်းသည် လည်းကောင်း ဖြစ်လတ္တံ့ဟု (ဆင်ခြင်၍) အာဟာရကို မှီဝဲ၏။ ထိုစားဖွယ် ဘောဇဉ် ၌ အကြင် ရောင့်ရဲခြင်းသည် အတိုင်းအရှည်ကို သိခြင်းသည် ဉာဏ်ဖြင့် ဆင်ခြင်ခြင်းသည် ရှိ၏။ ဤသဘောကို စားဖွယ် ဘောဇဉ် ၌ အတိုင်းအရှည်ကို သိခြင်းဟု ဆိုအပ်၏။ ဤဘောဇဉ်၌ အတိုင်းအရှည်ကို သိခြင်းနှင့် ပြည့်စုံ၏။ ပြည့်စုံခြင်းသို့ ရောက်၏။ ထို့ကြောင့် “စားဖွယ် ဘောဇဉ် ၌ အတိုင်းအရှည်ကို သိ၏” ဟု ဆိုအပ်၏။

နိုးနိုးကြားကြား အားထုတ်ခြင်း
ဤသာသနာတော်၌ ရဟန်းသည် နေ့အချိန်ရှိသမျှ စင်္ကြံသွားခြင်းဖြင့် လည်းကောင်း၊ ထိုင်ခြင်းဖြင့် လည်းကောင်း ကုသိုလ်တရားတို့ကို ပိတ်ပင်တတ်သော တရားတို့မှ စိတ်ကို စင်ကြယ်စေ၏၊ ညဥ့်၏ ပဌမယာမ်ပတ်လုံး စင်္ကြံသွားခြင်းဖြင့် လည်းကောင်း၊ ထိုင်ခြင်းဖြင့် လည်းကောင်း ကုသိုလ်တရားတို့ကို ပိတ်ပင်တတ်သော တရားတို့မှ စိတ်ကို စင်ကြယ်စေ၏၊ ညဥ့်၏ မဇ္ဈိမယာမ်ပတ်လုံး ခြေတစ်ဖက်၌ ခြေတစ်ဖက်ကို အနည်းငယ်လွန်အောင် တင်ထား၍ အောက်မေ့ အမှတ်ရခြင်း သတိ ကောင်းစွာ အပြားအားဖြင့် သိခြင်း သမ္ပဇဉ် ရှိသည်ဖြစ်၍ ထအံ့သော အမှတ်ကို စိတ်၌ထား၍ လက်ျာနံပါးဖြင့် ခြင်္သေ့အိပ်နည်းဖြင့် အိပ်ခြင်းကို ပြု၏။ ညဥ့်၏ ပစ္ဆိမယာမ်ပတ်လုံး တစ်ဖန်ထ၍ စင်္ကြံသွားခြင်းဖြင့် လည်းကောင်း၊ ထိုင်ခြင်းဖြင့် လည်းကောင်း ကုသိုလ်တရားတို့ကို ပိတ်ပင်တတ်သော တရားတို့မှ စိတ်ကိုစင်ကြယ်စေ၏။ ဤသို့ ရဟန်းသည် ညဥ့်ဦးယံ မိုးသောက်ယံပတ်လုံး နိုးနိုးကြားကြား အားထုတ်ခြင်းနှင့် မပြတ်ယှဉ်၏။

လုံ့လ ဟူသည် အကြင်စိတ်၌ ဖြစ်သော အားထုတ်ခြင်း လုံ့လ ၀ီရိယာရမ္ဘ တည်း။ ကောင်းစွာ အားထုတ်ခြင်း သမ္မာဝါယာမ တည်း။

ပညာ ဟူသည် အကြင် အပြားအားဖြင့် သိမှု ပညာ၊ အပြားအားဖြင့် သိသော အခြင်းအရာ ပဇာနနာ။ မတွေဝေမှု အမောဟ၊ သဘောတရားကို စိစစ်မှု ဓမ္မ၀ိစယ၊ ကောင်းစွာ သိမြင်မှု သမ္မာဒိဋ္ဌိ တည်း။

ဖဂ္ဂုန

၁ - ကကစူပမသုတ်
၂၂၂။ အကျွန်ုပ်သည် ဤသို့ ကြားနာခဲ့ရပါသည်-
အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတ၀န်ကျောင်း၌ သီတင်းသုံး နေတော်မူ၏။ ထိုအခါ အသျှင်မောဠိယဖဂ္ဂုနသည် ရဟန်းမိန်းမတို့နှင့် အတူစည်းမဲ့ ကမ်းမဲ့ (အလွန် ကြာမြင့်စွာ) ရောနှောလျက် နေ၏။ ဤဆိုလတ္တံ့သော နည်းဖြင့် အသျှင်မောဠိယဖဂ္ဂုနသည် ရဟန်းမိန်းမတို့နှင့် အတူ ရောနှောလျက် နေ၏။ တစ်စုံ တစ်ယောက်သောရဟန်းသည် အသျှင်မောဠိယ ဖဂ္ဂုန၏ မျက်မှောက်၌ ထိုရဟန်း မိန်းမတို့၏ ကျေးဇူးမဲ့ကို ပြောဆိုခဲ့လျှင် အသျှင်မောဠိယ ဖဂ္ဂုနသည် အမျက်ထွက်လျက် နှလုံး မသာခြင်း ရှိသဖြင့် ခိုက်ရန် ငြင်းခုံမှုကို ပြု၏။
တစ်စုံ တစ်ဦးသော ရဟန်းသည် ထိုရဟန်း မိန်းမတို့၏ မျက်မှောက်၌ အသျှင်မောဠိယဖဂ္ဂုန၏ ကျေးဇူးမဲ့ကို ပြောဆိုခဲ့လျှင်လည်း ထိုရဟန်း မိန်းမတို့သည် အမျက်ထွက် ကုန်လျက် နှလုံး မသာခြင်း ရှိသဖြင့် ခိုက်ရန် ငြင်းခုံမှုကို ပြုကြ ကုန်၏။ ဤဆိုခဲ့သည့် အတိုင်း အသျှင်မောဠိယဖဂ္ဂုနသည် ရဟန်း မိန်းမတို့နှင့် အတူ ရောနှောလျက် နေ၏။
ထိုအခါ ရဟန်းတစ်ပါးသည် မြတ်စွာဘုရားအထံသို့ ချဉ်းကပ်၍ ရိုသေစွာ ရှိခိုးပြီးလျှင် သင့်တင့် လျောက်ပတ်သော နေရာ၌ ထိုင်ကာ-
“အသျှင်ဘုရား အသျှင် မောဠိယဖဂ္ဂုနသည် ရဟန်းမိန်းမတို့နှင့် အတူ စည်းမဲ့ ကမ်းမဲ့ (အလွန် ကြာမြင့်စွာ) ရောနှောလျက် နေပါသည်။ အသျှင်ဘုရား ဤဆို လတ္တံ့သော နည်းဖြင့် အသျှင် မောဠိယဖဂ္ဂုနသည် ရဟန်း မိန်းမတို့နှင့် အတူ ရောနှောလျက် နေပါသည်။ တစ်စုံ တစ်ဦးသော ရဟန်း သည် အသျှင်မောဠိယဖဂ္ဂုန၏ မျက်မှောက်၌ ထိုရဟန်း မိန်းမတို့၏ ကျေးဇူးမဲ့ကို ပြောဆိုခဲ့လျှင် အသျှင်မောဠိယဖဂ္ဂုနသည် အမျက်ထွက်လျက် နှလုံး မသာခြင်း ရှိသဖြင့် ခိုက်ရန် ငြင်းခုံမှုကို ပြုပါ၏။
တစ်စုံ တစ်ဦးသော ရဟန်းသည် ထိုရဟန်း မိန်းမတို့၏ မျက်မှောက်၌ အသျှင်မောဠိယဖဂ္ဂုန၏ ကျေးဇူး မဲ့ကို ပြောဆိုခဲ့လျှင် ထိုရဟန်း မိန်းမတို့သည် အမျက်ထွက် ကုန်လျက် နှလုံး မသာခြင်း ရှိသဖြင့် ခိုက်ရန် ငြင်းခုံမှုကို ပြုကြ ပါကုန်၏။ အသျှင်ဘုရား ဤဆိုခဲ့သည့် အတိုင်း အသျှင်မောဠိယဖဂ္ဂုန သည် ရဟန်းမိန်းမတို့နှင့် အတူ ရောနှောလျက် နေပါသည်” ဟု လျှောက်၏။
၂၂၃။ ထိုအခါ မြတ်စွာဘုရားသည် ရဟန်း တစ်ပါးကို “ရဟန်း သင်လာလော့၊ ငါ့အမိန့်ဖြင့် ငါ့သျှင်ဖဂ္ဂုန မြတ်စွာဘုရားက သင့်ကို ခေါ်တော်မူ၏ ဟု မောဠိယဖဂ္ဂုန ရဟန်းကို သိစေလော့” ဟူ၍ မိန့်တော်မူ၏။ “ကောင်းပါပြီ အသျှင်ဘုရား” ဟု ထိုရဟန်းသည် မြတ်စွာဘုရားအား ပြန်ကြား လျှောက် ထား၍ အသျှင် မောဠိယဖဂ္ဂုနထံသို့ ချဉ်းကပ်ပြီးလျှင် “ငါ့သျှင် ဖဂ္ဂုန မြတ်စွာဘုရားက သင့်ကို ခေါ်တော်မူ၏” ဟု ပြောဆို၏။ “ကောင်းပါပြီ ငါ့သျှင်” ဟု ထိုရဟန်းအား ပြန်ကြား၍ မြတ်စွာဘုရား ထံသို့ ချဉ်းကပ်ပြီးလျှင် ရိုသေစွာ ရှိခိုးလျက် သင့်တင့် လျောက်ပတ်သော နေရာ၌ ထိုင်နေသော အသျှင် မောဠိယဖဂ္ဂုနအား မြတ်စွာဘုရားသည်-
ဖဂ္ဂုန သင်သည် ရဟန်းမိန်းမတို့နှင့် အတူ စည်းမဲ့ ကမ်းမဲ့ (အလွန် ကြာမြင့်စွာ) ရောနှောလျက် နေသတတ်။ ဖဂ္ဂုန သင်သည် ဤဆို လတ္တံ့သော နည်းဖြင့် ရဟန်းမိန်းမတို့နှင့် အတူ ရောနှောလျက် နေသတတ်။ တစ်စုံ တစ်ဦးသော ရဟန်းသည် သင့်မျက်မှောက်၌ ထိုရဟန်း မိန်းမတို့၏ ကျေးဇူးမဲ့ကို ပြောဆိုခဲ့လျှင် သင်သည် အမျက်ထွက်လျက် နှလုံး မသာခြင်း ရှိသဖြင့် ခိုက်ရန် ငြင်းခုံမှုကို ပြုသတတ်။
တစ်စုံ တစ်ဦးသော ရဟန်းသည် ထိုရဟန်း မိန်းမတိ၏ မျက်မှောက်၌ သင်၏ ကျေးဇူးမဲ့ကို ပြောဆိုခဲ့ လျှင် ထိုရဟန်း မိန်းမတို့သည် အမျက်ထွက် ကုန်လျက် နှလုံး မသာခြင်း ရှိသဖြင့် ခိုက်ရန် ငြင်းခုံမှုကို ပြုကြကုန် သတတ်။ ဖဂ္ဂုန ဤဆိုခဲ့သည့် အတိုင်း သင်သည် ရဟန်းမိန်းမတို့နှင့် အတူ ရောနှောလျက် နေသတတ် ဟု ဤသို့ ကြားရသည်မှာ မှန်သလော ဟု မိန့်တော်မူ၏။ မှန်ပါသည် အသျှင်ဘုရား ဟု လျှောက်ကြား၏။ ဖဂ္ဂုန အမျိုးကောင်းသား ဖြစ်သော သင်သည် ယုံကြည်ခြင်း သဒ္ဒါ ဖြင့် လူ့ဘောင်မှ ရဟန်းဘောင်သို့ ၀င်ရောက်သည် မဟုတ်လော ဟု မိန့်တော်မူ၏။ မှန်ပါသည် အသျှင်ဘုရား ဟု လျှောက်ကြား၏။
၂၂၄။ ဖဂ္ဂုန ယုံကြည်ခြင်း သဒ္ဒါ ဖြင့် လူ့ဘောင်မှ ရဟန်းဘောင်သို့ ၀င်ရောက်သည့် အမျိုးကောင်းသား ဖြစ်သော သင့်အား ရဟန်းမိန်းမတို့နှင့် အတူ စည်းမဲ့ ကမ်းမဲ့ (အလွန် ကြာမြင့်စွာ) ရောနှောလျက် နေခြင်းသည် မလျောက်ပတ်။
ဖဂ္ဂုန ထို့ကြောင့် တစ်စုံ တစ်ယောက်သော သူသည် သင့်မျက်မှောက်၌ ထိုရဟန်းမိန်းမတို့၏ ကျေးဇူးမဲ့ကို ပြောဆိုခဲ့လျှင် သင်သည် (ဖြစ်ပေါ်လာမည့်) ကာမဂုဏ်တို့ကို မှီသော အလိုဆန္ဒ၊ ကာမဂုဏ်တို့ကို မှီသော အကြံအစည်တို့ကို ပယ်စွန့်ရာ၏။ ဖဂ္ဂုန ထိုသို့ ပယ်စွန့်ရာ၌လည်း သင်သည် ဤသို့ ကျင့်ရမည် “ငါ့စိတ်သည် ဖောက်ပြန်မှု မဖြစ် လတ္တံ့၊ ယုတ်မာသော စကားကိုလည်း မမြွက်ဆိုအံ့၊ အစီးအပွားဖြင့် ငဲ့ညှာလျက်လည်း မေတ္တာစိတ် ရှိသည် ဖြစ်၍ ပြစ်မှားသော စိတ်မရှိဘဲ နေအံ့” ဟု ဤသို့လျှင် သင်သည် ကျင့်ရမည်။
ဖဂ္ဂုန ထို့ကြောင့် တစ်စုံ တစ်ယောက်သော သူသည် သင့်မျက်မှောက်၌ ထိုရဟန်းမိန်းမတို့အား လက်ဖြင့် ပုတ်ခတ် ငြားအံ့၊ ခဲဖြင့် သော်လည်း ပစ်ခတ် ငြားအံ့၊ တုတ်ဖြင့် သော်လည်း ရိုက်ပုတ် ငြားအံ့၊ ဓား လက်နက်ဖြင့် သော်လည်း ထိုးခုတ် ငြားအံ့။ ဖဂ္ဂုန ထိုသို့ ပြုရာ၌လည်း သင်သည် (ဖြစ်ပေါ်လာမည့်) ကာမဂုဏ်တို့ကို မှီသော အလိုဆန္ဒ၊ ကာမဂုဏတို့ကို မှီသော အကြံအစည်တို့ကို ပယ်စွန့်ရာ၏။
ထိုသို့ ပယ်စွန့်ရာ၌လည်း သင်သည် ဤသို့ ကျင့်ရမည်၊ “ငါ့စိတ်သည် ဖောက်ပြန်မှု မဖြစ် လတ္တံ့၊ ယုတ်မာသော စကားကိုလည်း မမြွက်ဆိုအံ့၊ အစီးအပွားဖြင့် ငဲ့ညှာလျက်လည်း မေတ္တာစိတ် ရှိသည် ဖြစ်၍ ပြစ်မှားသောစိတ် မရှိဘဲ နေအံ့” ဟု ဤသို့လျှင် သင်သည် ကျင့်ရမည်။
ဖဂ္ဂုန ထို့ကြောင့် တစ်စုံ တစ်ယောက်သော သူသည် သင့်မျက်မှောက်၌ သင်၏ ကျေးဇူးမဲ့ကို ပြောဆိုခဲ့လျှင် သင်သည် ဖြစ်ပေါ်လာမည့် ကာမဂုဏ်တို့ကို မှီသော အလိုဆန္ဒ၊ ကာမဂုဏတို့ကို မှီသော အကြံအစည်တို့ကို ပယ်စွန့်ရာ၏။ ထိုသို့ ပယ်စွန့်ရာ၌လည်း သင်သည် ဤသို့ ကျင့်ရမည်၊ “ငါ့စိတ်သည် ဖောက်ပြန်မှု မဖြစ် လတ္တံ့၊ ယုတ်မာသော စကားကိုလည်း မမြွက်ဆိုအံ့၊ အစီးအပွားဖြင့် ငဲ့ညှာလျက် လည်း မေတ္တာစိတ် ရှိသည် ဖြစ်၍ ပြစ်မှားသော စိတ် မရှိဘဲ နေအံ့” ဟု ဤသို့လျှင် သင်သည် ကျင့်ရ မည်။
ဖဂ္ဂုန ထို့ကြောင့် သင့်အား တစ်စုံ တစ်ယောက်သော သူသည် လက်ဖြင့် ပုတ်ခတ် ငြားအံ့၊ ခဲဖြင့် သော်လည်း ပစ်ခတ် ငြားအံ့၊ တုတ်ဖြင့် သော်လည်း ရိုက်ပုတ် ငြားအံ့၊ ဓား လက်နက်ဖြင့် သော်လည်း ထိုးခုတ် ငြားအံ့၊ ထိုသို့ ပြုရာ၌လည်း သင်သည် ဖြစ်ပေါ်လာမည့် ကာမဂုဏ်တို့ကို မှီသော အလိုဆန္ဒ၊ ကာမဂုဏ်တို့ကို မှီသော အကြံအစည်တို့ကို ပယ်စွန့်ရာ၏။ ထိုသို့ ပယ်စွန့်ရာ၌လည်း သင်သည် ဤသို့ ကျင့်ရမည် “ငါ့စိတ်သည် ဖောက်ပြန်မှု မဖြစ် လတ္တံ့၊ ယုတ်မာသော စကားကိုလည်း မမြွက်ဆိုအံ့၊ အစီးအပွားဖြင့် ငဲ့ညှာလျက်လည်း မေတ္တာစိတ် ရှိသည် ဖြစ်၍ ပြစ်မှားသောစိတ် မရှိဘဲ နေအံ့” ဟု ဤသို့လျှင် သင်သည် ကျင့်ရမည် ဟု ဟောကြားတော် မူ၏။

၂၂၅။ ထိုအခါ မြတ်စွာဘုရားသည် ရဟန်းတို့ကို- ရဟန်းတို့ အခါတစ်ပါး၌ ရဟန်းတို့သည် ငါ့စိတ်ကို နှစ်သက် စေကုန်ဘိ၏ တကား။ ရဟန်းတို့ ဤအချိန်က ငါသည် ရဟန်းတို့ကို “ရဟန်းတို့ ငါသည် တစ်ထပ်တည်းသာ စားအပ်သော ဘောဇဉ်ကို ဘုဉ်းပေး၏၊ ရဟန်းတို့ ငါသည် တစ်ထပ်တည်း သာ စားအပ်သော ဘောဇဉ်ကို ဘုဉ်းပေးသော် အနာရောဂါ ကင်းသည်၏ အဖြစ် ကျန်းမာသည်၏ အဖြစ် ပေါ့ပါး သန်စွမ်းသည်၏ အဖြစ် ချမ်းသာစွာ နေရသည်၏ အဖြစ်ကို ကောင်းစွာ သိ၏။ ရဟန်းတို့ လာကြကုန်၊ သင်တို့လည်း တစ်ထပ်တည်းသာ စားအပ်သော ဘောဇဉ်ကို စားကြကုန်လော့၊ သင်တို့ လည်း တစ်ထပ်တည်းသာ စားအပ်သော ဘောဇဉ်ကို စားကြသောကြောင့် အနာရောဂါ ကင်းသည်၏ အဖြစ် ကျန်းမာသည်၏ အဖြစ် ပေါ့ပါး သန်စွမ်းသည်၏ အဖြစ် ချမ်းသာစွာ နေရသည်၏ အဖြစ်ကို ကောင်းစွာ သိကြကုန် လတ္တံ့” ဟု မိန့်တော်မူ၏။ ရဟန်းတို့ ငါသည် ထိုရဟန်းတို့၌ ဆုံးမမှုကို ပြုခဲ့ရ သည် မဟုတ်၊ သတိ ပေးရုံမျှသာ ဖြစ်ခဲ့၏။
ရဟန်းတို့ ဥပမာသော်ကား မြေညီ၍ လမ်းလေးခွဆုံရာ လမ်းမကြီး၌ လက်လှမ်းမှီ ထားအပ်သော နှင်တံ ရှိသော (အာဇာနည်) မြင်းကသော ရထားသည် ကလျက် တည်ရာ၏။ ဆုံးမသင့်သော မြင်းတို့ကို ဆုံးမတတ်သော ကျွမ်းကျင်သူ မြင်းဆရာသည် ထိုရထားကို တက်စီးပြီးလျှင် လက်ဝဲလက်ဖြင့် ကြိုးတို့ကို ကိုင်၍ လက်ယာလက်ဖြင့် နှင်တံကို ကိုင်လျက် အလိုရှိရာ လမ်းသို့ အလိုရှိတိုင်း ဖြောင့်ဖြောင့်လည်း မောင်းနှင်ရာ သကဲ့သို့ ပြန်လှည့်၍လည်း မောင်းနှင်ရာ သကဲ့သို့ ဤအတူပင် ငါ့မှာ ထိုရဟန်းတို့၌ ဆုံးမမှုကို ပြုခဲ့ရသည် မဟုတ်၊ သတိ ပေးရုံမျှသာ ဖြစ်ခဲ့၏။ ထို့ကြောင့် သင်တို့သည်လည်း အကုသိုလ်ကို ပယ်စွန့်ကြကုန်၊ ကုသိုလ် တရားတို့၌ အားထုတ်ခြင်းကို ပြုကြကုန်။ ဤသို့ အားထုတ်ကြ ကုန်သော် သင်တို့သည်လည်း ဤသာသနာတော်၌ ကြီးပွားစည်ပင် ပြန့်ပြောခြင်းသို့ ရောက်ကြကုန် လတ္တံ့။
ရဟန်းတို့ ဥပမာသော်ကား ရွာနိဂုံးတို့၏ မနီးမဝေး၌ အင်ကြင်းတောကြီးသည် ရှိ၏၊ ထိုအင်ကြင်း တောကြီးကို ကြက်ဆူပင်တို့ဖြင့် ဖုံးလွှမ်းရာ၏။ ထိုတော၏ အကျိုးစီးပွားနှင့် ဘေးကင်းမှုကို အလိုရှိသည့် တစ်စုံ တစ်ယောက်သော လူသည် ရှိလေရာ၏။ ထိုလူသည် ကောက်ကွေးသော အင်ကြင်းပင်ပျို သြဇာ ကင်းသော အင်ကြင်းပင်တို့ကို ဖြတ်တောက်၍ အပသို့ ထုတ်ဆောင်ပြီးလျှင် တောအတွင်း၌ ကောင်းစွာ ရှင်းလင်း သုတ်သင်ရာ၏၊ ဖြောင့်သော အင်ကြင်းပင် ကောင်းစွာ ပေါက်သော အင်ကြင်းပင်ပျိုတို့ကို ကြီးပွားအောင် ပြုစုရာ၏။ ရဟန်းတို့ ဤသို့ သုတ်သင် ပြုစုခဲ့သော် ထိုအင်ကြင်းတောသည် နောက် အခါ၌ ကြီးပွားစည်ပင် ပြန့်ပြောခြင်းသို့ ရောက်ရာ သကဲ့သို့ ဤအတူပင် သင်တို့သည်လည်း အကုသိုလ် ကို ပယ်စွန့်ကြကုန်၊ ကုသိုလ် တရားတို့၌ အားထုတ်ခြင်းကို ပြုကြကုန်။ ဤသို့ အားထုတ်ကြ ကုန်သော် သင်တို့သည်လည်း ဤသာသနာတော်၌ ကြီးပွား စည်ပင် ပြန့်ပြောခြင်းသို့ ရောက်ကြကုန် လတ္တံ့။







၂၂၆။ ရဟန်းတို့ ရှေး၌ ဖြစ်ဖူးသည်ကား ဤသာဝတ္ထိပြည်၌ ပင်လျှင် ဝေဒေဟိကာ မည်သော အိမ်ရှင်မသည် ရှိ၏။ “ဝေဒေဟိကာ အိမ်ရှင်မသည် နူးညံ့ သိမ်မွေ့၏၊ နှိမ့်ချ တတ်၏၊ ငြိမ်းအေးမှု ရှိ၏” ဟု ဝေဒေဟိကာမည်သော အိမ်ရှင်မ၏ သတင်းကောင်း ကျော်စောသံသည် ပျံ့နှံ့ သွားလေ၏။ ရဟန်းတို့ ဝေဒဟိကာ အိမ်ရှင်မအား ကျွမ်းကျင် လိမ္မာ၍ ပျင်းရိခြင်း မရှိဘဲ အိမ်မှုကိစ္စကို ကောင်းစွာ ပြု စီရင်တတ်သည့် ကာဠီမည်သော ကျွန်မသည် ရှိ၏။
ထိုအခါ ကာဠီကျွန်မအား ဤသို့ အကြံဖြစ်၏၊ “ဝေဒေဟိကာ အိမ်ရှင်မသည် နူးညံ့ သိမ်မွေ့၏၊ နှိမ့်ချ တတ်၏ ငြိမ်းအေးမှု ရှိ၏” ဟု ဤသို့ ငါ့အရှင်မ၏ သတင်းကောင်း ကျော်စောသံသည် ပျံ့နှံ့ တက်၏။ အသို့နည်း ငါ့အရှင်မသည် မိမိသန္တာန်၌ အမျက်ဒေါသ ရှိလျက် သာလျှင် ထင်စွာ မပြု သလော၊ သို့မဟုတ် မရှိ၍ပင် ထင်စွာ မပြုသလော၊ သို့မဟုတ် ငါကပင် ထိုအိမ်မှု ကိစ္စတို့ကို ကောင်းစွာ ပြု စီရင်သောကြောင့် ငါ့အရှင်မသည် မိမိသန္တာန်၌ အမျက်ဒေါသ ရှိလျက် သာလျှင် ထင်စွာ မပြုလေ သလော၊ မရှိသောကြောင့် ထင်စွာ မပြုသည် မဟုတ်လေ သလော။ ငါသည် အရှင်မကို စုံစမ်းရမူ ကောင်းပေမည်” ဟု (အကြံ ဖြစ်၏)။ ရဟန်းတို့ ထိုအခါ ကာဠီကျွန်မသည် နေမြင့်မှ ထ၏။ ထိုအခါ ဝေဒေဟိကာ အိမ်ရှင်မသည် ကာဠီကျွန်မကို “ဟယ် ကျွန်မကာဠီ” ဟု ခေါ်၏။ အရှင်မ အဘယ်ပါနည်း ဟု ပြန်ကြား၏။ ကျွန်မ အဘယ်ကြောင့် နေမြင့်မှ ထသနည်း ဟု မေး၏။ အရှင်မ တစ်စုံ တစ်ခုသော အကြောင်း မရှိပါ ဟု ပြန်ကြား၏။ “သယ်တစ်စုံ တစ်ခုသော အကြောင်း စင်စစ် မရှိဘဲ ကျွန်ယုတ်မသည် နေမြင့်မှ ထရာ သလော” ဟု (ဆိုကာ) အမျက်ထွက်လျက် မနှစ်သက်သော စိတ်ရှိသည် ဖြစ်၍ မျက်မှောင် ကြုတ်ခြင်းကို ပြု၏။
ရဟန်းတို့ ထိုကာဠီကျွန်မအား ဤသို့ အကြံဖြစ်၏၊ “ငါ့အရှင်မသည် မိမိသန္တာန်၌ အမျက် ဒေါသ ရှိလျက် သာလျှင် ထင်စွာ မပြုခြင်း ဖြစ်ခဲ့၏၊ မရှိသောကြောင့် ထင်စွာ မပြုသည်ကား မဟုတ်။ ငါသည် ပင်လျှင် ထိုအိမ်မှု ကိစ္စတို့ကို ကောင်းစွာပြု စီရင်သောကြောင့် ငါ့အရှင်မသည် မိမိသန္တာန်၌ အမျက် ဒေါသ ရှိလျက် သာလျှင် ထင်စွာ မပြုခြင်း ဖြစ်ခဲ့၏၊ မရှိသောကြောင့် ထင်စွာ မပြုသည် မဟုတ်။ ထို့ထက် အလွန် အရှင်မကို စုံစမ်းရမူ ကောင်းပေမည်” ဟု (အကြံ ဖြစ်၏)။
ရဟန်းတို့ ထို့နောက် ကာဠီ ကျွန်မသည် အလွန် နေမြင့်မှ သာလျှင် ထ၏။ ထိုအခါ ဝေဒေဟိကာ အိမ်ရှင်မသည် ကာဠီ ကျွန်မကို “ဟယ် ကျွန်မကာဠီ” ဟု ခေါ်၏။ အရှင်မ အဘယ်ပါနည်း ဟု ပြန်ကြား ၏။ “ကျွန်မ အဘယ်ကြောင့် နေမြင့်မှ ထသနည်း ဟု မေး၏။ အရှင်မ တစ်စုံ တစ်ခုသော အကြောင်း မရှိပါ ဟု ပြန်ကြား၏။ “သယ် တစ်စုံ တစ်ခုသော အကြောင်း စင်စစ် မရှိဘဲ ကျွန်ယုတ်မသည် နေမြင့်မှ ထရာသလော” ဟု (ဆိုကာ) အမျက်ထွက်လျက် မနှစ်သက်သော စိတ်ရှိသည် ဖြစ်၍ မနှစ်မြို့ဖွယ် စကားကို ပြောဆို၏။
ရဟန်းတို့ ထိုအခါ ကာဠီကျွန်မအား ဤသို့ အကြံ ဖြစ်ပြန်၏၊ “ငါ့အရှင်မသည် မိမိသန္တာန်၌ အမျက် ဒေါသ ရှိလျက် သာလျှင် ထင်စွာ မပြုခြင်း ဖြစ်ခဲ့၏၊ မရှိသောကြောင့် ထင်စွာ မပြုသည် မဟုတ် ပေ ငါသည် ပင်လျှင် ထိုအိမ်မှု ကိစ္စတို့ကို ကောင်းစွာပြု စီရင်သောကြောင့် ငါ့အရှင်မသည် မိမိ သန္တာန်၌ အမျက်ဒေါသ ရှိလျက် သာလျှင် ထင်စွာ မပြုခြင်း ဖြစ်ခဲ့၏၊ မရှိသောကြောင့် ထင်စွာ မပြုသည် မဟုတ်။ ထို့ထက် အလွန် အရှင်မကို စုံစမ်းရမူ ကောင်းပေမည်” ဟု (အကြံ ဖြစ်ပြန်၏)။
ရဟန်းတို့ ထို့နောက် ကာဠီ ကျွန်မသည် အလွန် နေမြင့်မှ သာလျှင် ထ၏။ ထိုအခါ ဝေဒေဟိကာ ရိုက်အိမ်ရှင်မသည် ကာဠီ ကျွန်မကို “ဟယ် ကျွန်မကာဠီ” ဟု ခေါ်၏။ အရှင်မ အဘယ်ပါနည်း ဟု ပြန်ကြား ၏။ “ကျွန်မ အဘယ်ကြောင့် နေမြင့်မှ ထသနည်း ဟု မေး၏။ အရှင်မ တစ်စုံ တစ်ခုသော အကြောင်း မရှိပါ ဟု ပြန်ကြား၏။ “သယ် တစ်စုံ တစ်ခုသော အကြောင်း စင်စစ် မရှိဘဲ ကျွန်ယုတ်မသည် နေမြင့်မှ ထရ သလော” ဟု ဆိုကာ အမျက်ထွက်လျက် မနှစ်သက်သော စိတ်ရှိသည် ဖြစ်၍ တံခါးကျင် (မင်းတုပ်) ဖြင့် ဦးခေါင်းကို ရိုက်နှက် သောကြောင့် ဦးခေါင်း ကွဲလေ၏။ ရဟန်းတို့ ထိုအခါ ကာဠီ ကျွန်မသည် ဦးခေါင်းကွဲ သည် ဖြစ်၍ သွေးစီး ကျလျက် “အရှင်မတို့ နူးညံ့ သိမ်မွေ့သူ၏ ပြုမူပုံကို ကြည့်မြွ ကြပါကုန်၊ အရှင်မတို့ နှိမ့်ချ တတ်သူ၏ ပြုမူပုံကို ကြည့်မြွ ကြပါကုန်၊ အရှင်မတို့ ငြိမ်းအေးမှု ရှိသူ၏ ပြုမူပုံကို ကြည့်မြွ ကြပါကုန်၊ အဘယ့်ကြောင့်လျှင် တစ်ယောက်တည်းသော ကျွန်မအား နေမြင့်မှထသနည်းဟု အမျက်ထွက်လျက် မနှစ်သက်သော စိတ်ရှိသည် ဖြစ်၍ သင့်ဦးခေါင်း ကွဲပေတော့ ဟု တံခါးကျင် (မင်းတုပ်) ဖြင့် ဦးခေါင်းကို ရိုက်ရက်ဘိ သနည်း” ဟု အိမ်နီးချင်းတို့ကို တိုင်တန်း ပြောဆို၏။
ရဟန်းတို့ နောင်အခါ၌ “ဝေဒေဟိကာ အိမ်ရှင်မသည် ကြမ်းတမ်းသူတည်း၊ နှိမ့်ချသူ မဟုတ်၊ ငြိမ်းအေးသူ မဟုတ်” ဟု ဝေဒေဟိကာ အိမ်ရှင်မ၏ သတင်းဆိုး ကျော်စောသံသည် ပျံ့နှံ့ သွားလေ၏။
ရဟန်းတို့ ဤအတူပင် ဤသာသနာတော်၌ အချို့သော ရဟန်းသည် စိတ် မနှစ်သက်ဖွယ် စကား လမ်းကြောင်းများ မတွေ့ထိသေး သမျှ အလွန် နူးညံ့သူ အလွန် နှိမ့်ချသူ အလွန် ငြိမ်းအေးသူ ဖြစ်တတ် ၏။ ရဟန်းတို့ စိတ် မနှစ်သက်ဖွယ် စကား လမ်းကြောင်းများ တွေ့ထိသော အခါမှ သာလျှင် ရဟန်းကို နူးညံ့သူ နှိမ့်ချသူ ငြိမ်းအေးသူ ဟု သိရမည်။ ရဟန်းတို့ သင်္ကန်း ဆွမ်း ကျောင်း သူနာ၏ အထောက်အပံ့ ဆေး အသုံးအဆောင် ဟူသော အကြောင်းကြောင့် အပြောအဆို လွယ်သူ၏ အဖြစ်သို့ ရောက်သော ရဟန်းကို အပြောအဆို လွယ်သူ ဟု ငါမဆိုပေ။ ထိုသို့ မဆိုခြင်းသည် အဘယ့်ကြောင့်နည်း၊ ထိုရဟန်းသည် ထိုသင်္ကန်း ဆွမ်း ကျောင်း သူနာ၏ အထောက်အပံ့ ဆေး အသုံး အဆောင်တို့ကို မရသည် ရှိသော် အပြောအဆို လွယ်သူ၏ အဖြစ်သို့ မရောက် သောကြောင့်တည်း။ ရဟန်းတို့ တရားကို သာလျှင် အရိုအသေ ပြုလျက် တရားကို သာလျှင် အလေးပြုလျက် တရားကို သာလျှင် မြတ်နိုး ပူဇော်လျက် တုပ်ဝပ် ရိုကြိုးလျက် အပြောအဆို လွယ်သူ၏ အဖြစ်သို့ ရောက်သော ရဟန်းကို သာလျှင် အပြောအဆို လွယ်သူ ဟု ငါဆိုပေ၏။ ထိုကြောင့် “တရားကို သာလျှင် အရိုအသေ ပြုလျက် တရားကို သာလျှင် အလေးပြုလျက် တရားကို သာလျှင် မြတ်နိုး ပူဇော်လျက် တုပ်ဝပ် ရိုကြိုးလျက် အပြောအဆို လွယ်သူ ဖြစ်ကြ ကုန်အံ့၊ အပြောအဆို လွယ်သူ၏ အဖြစ်သို့ ရောက်ကြ ကုန်အံ့” ဟု ဤသို့လျှင် သင်တို့ ကျင့်ရမည်။











၂၂၇။ရဟန်းတို့ သင့်လျော်သော အခါအားဖြင့် လည်းကောင်း၊ မသင့်လျော်သော အခါအားဖြင့်လည်းကောင်း၊ ဟုတ်မှန်သော အားဖြင့် လည်းကောင်း၊ မဟုတ် မမှန်သော အားဖြင့် လည်းကောင်း၊ သိမ်မွေ့သော အားဖြင့် လည်းကောင်း၊ ကြမ်းတမ်းသော အားဖြင့် လည်းကောင်း၊ အကျိုး (အကြောင်း) နှင့် စပ်သော အားဖြင့် လည်းကောင်း၊ အကျိုး(အကြောင်း)နှင့် မစပ်သော အားဖြင့် လည်းကောင်း၊ မေတ္တာစိတ် ရှိကုန်၍ လည်းကောင်း၊ ပြစ်မှားသော စိတ်ရှိ ကုန်၍ လည်းကောင်း သင်တို့ကို သူတစ်ပါး တို့က ပြောဆိုမူ ပြောဆို နိုင်ရာသော စကား လမ်းကြောင်းတို့ကား ဤဆိုမည့် ငါးပါးတို့တည်း။
ရဟန်းတို့ သင့်လျော်သောအခါ အားဖြင့် ဖြစ်စေ၊ မသင့်လျော်သောအခါ အားဖြင့် ဖြစ်စေ သူတစ်ပါး တို့က ပြောဆိုမူ ပြောဆို ကုန်ရာ၏၊ ဟုတ်မှန်သော အားဖြင့် ဖြစ်စေ၊ မဟုတ်မမှန်သော အားဖြင့် ဖြစ်စေ သူတစ်ပါးတို့က ပြောဆိုမူ ပြောဆို ကုန်ရာ၏၊ သိမ်မွေ့သော အားဖြင့် ဖြစ်စေ၊ ကြမ်းတမ်းသော အားဖြင့် ဖြစ်စေ သူတစ်ပါးတို့က ပြောဆိုမူ ပြောဆို ကုန်ရာ၏၊ အကျိုး (အကြောင်း) နှင့် စပ်သော အားဖြင့် ဖြစ်စေ၊ အကျိုး (အကြောင်း) နှင့်မစပ်သော အားဖြင့် ဖြစ်စေ သူတစ်ပါးတို့က ပြောဆိုမူ ပြောဆိုကုန်ရာ၏၊ မေတ္တာစိတ် ရှိကုန်၍ ဖြစ်စေ၊ ပြစ်မှားသော စိတ် ရှိကုန်၍ ဖြစ်စေ၊ သူတစ်ပါးတို့က ပြောဆိုမူ ပြောဆို ကုန်ရာ၏။ ရဟန်းတို့ ထိုသို့ (ပြောဆိုရာ) စကား လမ်းကြောင်းတို့၌လည်း သင်တို့သည် ဤသို့ ကျင့်ရမည်၊ “ငါတို့၏ စိတ်သည် ဖောက်ပြန်မှု မဖြစ် လတ္တံ့၊ ယုတ်ညံ့သော စကားကိုလည်း မမြွက်ဆိုကြ ကုန်အံ့၊ အစီးအပွားဖြင့် ငဲ့ညှာကြ ကုန်လျက်လည်း မေတ္တာစိတ် ရှိကြကုန်၍ ပြစ်မှားသောစိတ် မရှိကြဘဲ နေကြကုန်အံ့၊ ထိုပုဂ္ဂိုလ်ကိုလည်း မေတ္တာနှင့် တကွဖြစ်သော စိတ်ဖြင့် ဖြန့်၍ နေကြကုန်အံ့၊ အကြွင်းမဲ့ သတ္တ၀ါ အားလုံးကိုလည်း ထိုမေတ္တာစိတ်၏ အာရုံ ပြုလုပ်လျက် ပြန့်ပြောသော မြတ်သည်၏ အဖြစ်သို့ ရောက်သော အပိုင်းအခြား ပမာဏ မရှိသော ရန်မရှိသော ဆင်းရဲခြင်း မရှိသော မေတ္တာနှင့်တကွ ဖြစ်သော စိတ်ဖြင့် ဖြန့်၍ နေကြကုန်အံ့” ဟု ဤသို့လျှင် သင်တို့ ကျင့်ရမည်။
၂၂၈။ ရဟန်းတို့ ဥပမာသော်ကား ယောက်ျားသည် ပေါက်တူးခြင်း တောင်းကို ယူ၍ လာပြီးလျှင် “ငါသည် ဤမြေကြီးကို မြေကြီး မဟုတ်အောင် ပြုတော့အံ့” ဟု ပြောဆိုရာ၏။ ထိုယောက်ျားသည် “မြေကြီး မဟုတ်သည် ဖြစ်လော့၊ မြေကြီး မဟုတ်သည် ဖြစ်လော့” ဟု ထိုထိုအရပ်၌ တူးဆွ ရာ၏၊ ထိုထို အရပ်၌။ ကဲဖြန့်ရာ၏၊ ထိုထို အရပ်၌ တံတွေး ထွေးရာ၏၊ ထိုထို အရပ်၌ ကျင်ငယ် စွန့်ရာ၏။ ရဟန်းတို့ ထိုအကြောင်းကို အဘယ်သို့ ထင်မှတ်ကြကုန် သနည်း၊ ထိုယောက်ျားသည် ဤမြေကြီးကို မြေကြီး မဟုတ်အောင် ပြုနိုင်ရာ သလော ဟု (မေးတော်မူ၏)။ အသျှင်ဘုရား ဤအကြောင်းသည် မဖြစ်နိုင်ပါ။ ထိုသို့ မဖြစ်နိုင်ခြင်းသည် အဘယ့်ကြောင့်နည်း။
အသျှင်ဘုရား ဤမြေကြီးသည် ထုထည် ထူထဲ၍ (အနံ) အပိုင်းအခြား ပမာဏ မရှိသောကြောင့် ထိုမြေကြီးကို မြေကြီး မဟုတ်အောင် ပြုရန် မလွယ်ပါ။ ထိုယောက်ျားသည် ပင်ပန်းရုံဆင်းရဲရုံမျှသာ ဖြစ်ရာပါ၏ ဟု (လျှောက်ကြားကြ ကုန်၏)။ ရဟန်းတို့ ဤအတူပင် သင့်လျော်သော အခါအားဖြင့် လည်းကောင်း၊ မသင့်လျော်သော အခါအားဖြင့် လည်းကောင်း၊ ဟုတ်မှန်သော အားဖြင့် လည်းကောင်း၊ မဟုတ် မမှန်သော အားဖြင့် လည်းကောင်း၊ သိမ်မွေ့(ပြေပြစ်)သော အားဖြင့် လည်းကောင်း၊ ကြမ်းတမ်း သောအားဖြင့် လည်းကောင်း၊ အကျိုး(အကြောင်း)နှင့်စပ်သော အားဖြင့် လည်းကောင်း၊ အကျိုး (အကြောင်း)နှင့် မစပ်သော အားဖြင့် လည်းကောင်း၊ မေတ္တာစိတ် ရှိကုန်၍ လည်းကောင်း၊ ပြစ်မှားသော စိတ် ရှိကုန်၍ လည်းကောင်း သင်တို့ကို သူတစ်ပါးတို့က ပြောဆိုမှု ပြောဆို နိုင်ရာသော စကား လမ်းကြောင်းတို့သည် ဤငါးပါးတို့တည်း။
ရဟန်းတို့ သင့်လျော်သော အခါအားဖြင့်ဖြစ်စေ၊ မသင့်လျော်သော အခါအားဖြင့် ဖြစ်စေ သူတစ်ပါးတို့က ပြောဆိုမူ ပြောဆိုကုန်ရာ၏၊ ဟုတ်မှန်သောအားဖြင့် ဖြစ်စေ၊ မဟုတ်မမှန်သောအားဖြင့် ဖြစ်စေ သူတစ်ပါးတို့က ပြောဆိုမူ ပြောဆိုကုန်ရာ၏၊ ရဟန်းတို့ သိမ်မွေ့ (ပြေပြစ်) သောအားဖြင့်ဖြစ်စေ၊ ကြမ်းတမ်းသောအားဖြင့်ဖြစ်စေ သူတစ်ပါးတို့က ပြောဆိုမူ ပြောဆိုကုန်ရာ၏၊ အကျိုး (အကြောင်း) နှင့် စပ်သောအားဖြင့်ဖြစ်စေ၊ အကျိုး (အကြောင်း) နှင့် မစပ်သောအားဖြင့်ဖြစ်စေ သူတစ်ပါးတို့က ပြောဆိုမူ ပြောဆိုကုန်ရာ၏၊ မေတ္တာစိတ်ရှိကုန်၍ဖြစ်စေ၊ ပြစ်မှားသောစိတ်ရှိကုန်၍ဖြစ်စေ သူတစ်ပါးတို့က ပြောဆိုမူ ပြောဆိုကုန်ရာ၏။ ရဟန်းတို့ ထိုသို့ (ပြောဆိုရာ) စကားလမ်းကြောင်းတို့၌လည်း သင်တို့သည် ဤသို့ ကျင့်ရမည်၊ “ငါတို့၏ စိတ်သည် ဖောက်ပြန်မှု မဖြစ်လတ္တံ့၊ ယုတ်ညံ့သော စကားကိုလည်း မမြွက်ဆိုကြကုန်အံ့၊ အစီးအပွားဖြင့် ငဲ့ညှာကြကုနလျက်လည်း မေတ္တာစိတ်ရှိကြကုန်၍ ပြစ်မှားသောစိတ် မရှိကြဘဲ နေကြကုန်အံ့၊ ထိုပုဂ္ဂိုလ် ကိုလည်း မေတ္တာနှင့်တကွဖြစ်သော စိတ်ဖြင့် ဖြန့်၍ နေကြကုန်အံ့၊ အကြွင်းမဲ့ သတ္တ၀ါအားလုံးကိုလည်း ထိုမေတ္တာစိတ်၏ အာရုံပြုလုပ်လျက် ပြန့်ပြောသော မြတ်သည်၏ အဖြစ်သို့ ရောက်သောအပိုင်းအခြား ပမာဏမရှိသော ရန်မရှိသော ဆင်းရဲခြင်းမရှိသော မြေကြီးနှင့် တူသော စိတ်ဖြင့် ဖြန့်၍နေကြကုန် အံ့” ဟု ဤသို့လျှင် သင်တို့ကျင့်ရမည်။
၂၂၉။ ရဟန်းတို့ ဥပမာသော်ကား ယောက်ျားသည် ချိပ်ရည်ကို လည်းကောင်း အ၀ါရည်ကို လည်းကောင်း၊ အညိုရည်ကို လည်းကောင်း၊ နီမောင်းသော ဆေးရည်ကို လည်းကောင်း၊ ယူ၍ “ငါသည် ဤကောင်းကင်၌ အရုပ်ကို ရေးအံ့၊ အရုပ်ကို ထင်ရှား ဖြစ်အောင် ပြုအံ့” ဟု ဤသို့ ပြောဆိုရာ၏။ ရဟန်းတို့ ထိုအကြောင်းကို အဘယ်သို့ မှတ်ထင်ကုန် သနည်း၊ ထိုယောက်ျားသည် ဤကောင်းကင်၌ အရုပ်ကို ရေးနိုင် ရာသလော၊ အရုပ်ကို ထင်ရှား ဖြစ်အောင် ပြုနိုင်ရာ သလော ဟု (မေးတော်မူ၏)။
အသျှင်ဘုရား ဤအကြောင်းသည် မဖြစ်နိုင်ပါ၊ ထိုသို့ မဖြစ်နိုင်ခြင်းသည် အဘယ်ကြောင့်နည်း၊ အသျှင်ဘုရား ဤကောင်းကင်သည် အဆင်း ပုံသဏ၂ာန်ရှိသည် မဟုတ်ပါ၊ မြင်ကောင်းသော အရာလည်း မဟုတ်ပါ၊ ထိုကောင်းကင်၌ အရုပ်ကို ရေးရန် အရုပ်ကို ထင်ရှား ဖြစ်အောင် ပြုရန် မလွယ်ပါ၊ ထိုယောက်ျားသည် ပင်ပန်းရုံဆင်းရဲရုံမျှသာ ဖြစ်ရာပါ၏ ဟု (လျှောက်ကြားကြ ကုန်၏)။ ရဟန်းတို့ ဤအတူပင် သင့်လျော်သောအခါ အားဖြင့် လည်းကောင်း၊ မသင့်လျော်သော အခါအားဖြင့် လည်းကောင်း သင်တို့ကို သူတစ်ပါးတို့က ပြောဆိုမူ ပြောဆို နိုင်ရာသော စကား လမ်းကြောင်းတို့သည် ဤငါးပါးတို့တည်း။
အကြွင်းမဲ့ သတ္တ၀ါ အားလုံးကိုလည်း ထိုမေတ္တာစိတ်၏ အာရုံပြုလုပ်လျက် ပြန့်ပြောသော မြတ်သည်၏ အဖြစ်သို့ ရောက်သော အပိုင်းအခြား ပမာဏ မရှိသော ရန်မရှိသော ဆင်းရဲခြင်း မရှိသော ကောင်းကင်နှင့် တူသော စိတ်ဖြင့် ဖြန့်၍ နေကြကုန်အံ့” ဟု ဤသို့လျှင် သင်တို့ ကျင့်ရမည်။
၂၃၀။ ရဟန်းတို့ ဥပမာသော်ကား ယောက်ျားသည် ရဲရဲတောက်သော မြက်မီးရှူးကို ယူပြီးလျှင် “ငါသည် ရဲရဲတောက်သော ဤမြက်မီးရှူးဖြင့် ဂင်္ဂါမြစ်ကို ပူလောင်စေအံ့၊ ထက်ဝန်းကျင် ပူလောင်စေအံ့” ဟု ဤသို့ ပြောဆိုရာ၏။ ရဟန်းတို့ ထိုအကြောင်းကို အဘယ်သို့ ထင်မှတ်ကြကုန် သနည်း၊ ထိုယောက်ျားသည် ရဲရဲတောက်သော မြက်မီးရှူးဖြင့် ဂင်္ဂါမြစ်ကို ပူလောင်စေနိုင်ရာ သလော၊ ထက်ဝန်း ကျင် ပူလောင် စေနိုင်ရာ သလော ဟု (မေးတော်မ၏)။ အသျှင် ဘုရား ဤအကြောင်းသည် မဖြစ်နိုင်ပါ။ ထိုသို့ မဖြစ်နိုင်ခြင်းသည် အဘယ့်ကြောင့်နည်း၊ အသျှင်ဘုရား ဂင်္ဂါမြစ်သည် နက်စောက်၍ အပိုင်း အခြား ပမာဏ မရှိပါ၊ ထို့ကြောင့် ထိုဂင်္ဂါမြစ်ကို ရဲရဲတောက်သော မြက်မီးရှူးဖြင့် ပူလောင်စေရန် ထက်ဝန်းကျင် ပူလောင်စေရန် မလွယ်ပါ။ ထိုယောက်ျားသည် ပင်ပန်းရုံဆင်းရဲရုံမျှသာ ဖြစ်ရာပါ၏ ဟု (လျှောက်ကြားကြ ကုန်၏)။ ရဟန်းတို့ ဤအတူပင် သင့်လျော်သော အခါအားဖြင့် လည်းကောင်း၊ မသင့်လျော်သော အခါအားဖြင့် လည်းကောင်း သင်တို့ကို သူတစ်ပါးတို့က ပြောဆိုမူ ပြောဆို နိုင်ရာ သော စကား လမ်းကြောင်းတို့သည် ဤငါးပါးတို့တည်း။အကြွင်းမဲ့ သတ္တ၀ါ အားလုံးကိုလည်း ထိုမေတ္တာစိတ်၏ အာရုံ ပြုလုပ်လျက် ပြန့်ပြောသော မြတ်သည်၏ အဖြစ်သို့ ရောက်သော အပိုင်းအခြား ပမာဏ မရှိသော ရန်မရှိသော ဆင်းရဲခြင်း မရှိသော ဂင်္ဂါမြစ်နှင့် တူသော စိတ်ဖြင့် ဖြန့်၍ နေကြကုန်အံ့” ဟု ဤသို့လျှင် သင်တို့ ကျင့်ရမည်။
၂၃၁။ ရဟန်းတို့ ဥပမာသော်ကား အတွင်းအပြင် ထက်ဝန်းကျင်မှ ကောင်းစွာ နယ်ထားသော လဲနှင့် တူသော ကျွိကျွိ။ ဗြိဗြိ အသံ မမြည်သော နူးညံ့သော ကြောင်ရေအိတ်သည် ရှိရာ၏။ ထိုအခါ ယောက်ျားသည် တုတ်ချောင်းကို လည်းကောင်း၊ အိုးခြမ်းကွဲကို လည်းကောင်း ယူပြီးလျှင် “ငါသည် အတွင်း အပြင် ထက်ဝန်းကျင်မှ ကောင်းစွာ နယ်ထားသော လဲနှင့် တူသော ကျွိကျွိ။ ဗြိဗြိ အသံ မမြည်သော နူးညံ့သော ဤကြောင်ရေအိတ်ကို တုတ်ချောင်းဖြင့် လည်းကောင်း၊ အိုးခြမ်း ကွဲဖြင့် လည်း ကောင်း ကျွိကျွိ။ ဗြိဗြိအသံကို ပြုအံ့” ဟု ပြောဆိုရာ၏။ ရဟန်းတို့ ထိုအကြောင်းကို အဘယ်သို့ မှတ်ထင် ကြကုန် သနည်း၊ ထိုယောက်ျားသည် အတွင်း အပြင် ထက်ဝန်းကျင်မှ ကောင်းစွာ နယ်ထားသော လဲနှင့်တူသော ကျွိကျွိ ဗြိဗြိ အသံ မမြည်သော နူးညံ့သော ဤကြောင်ရေအိတ်ကို တုတ်ချောင်းဖြင့် လည်းကောင်း၊ အိုးခြမ်း ကွဲဖြင့် လည်းကောင်း ကျွိကျွိ။ ဗြိဗြိ အသံကို ပြုနိုင်ရာ သလော ဟု (မေးတော်မူ၏)။ အသျှင်ဘုရား ဤအကြောင်းသည် မဖြစ်နိုင်ပါ။ ထိုသို့ မဖြစ်နိုင်ခြင်းသည် အဘယ့်ကြောင့်နည်း၊ ဤကြောင်ရေအိတ်သည် အတွင်း အပြင် ထက်ဝန်းကျင်မှ ကောင်းစွာ နယ်ထားသော လဲနှင့်တူသော ကျွိကျွိ။ ဗြိဗြိအသံ မမြည်သော နူးညံ့သော ကြောင်ရေအိတ် ဖြစ်ပါသည်။ ထို့ကြောင့် ထိုကြောင်ရေအိတ်ကို တုတ်ချောင်းဖြင့် ဖြစ်စေ၊ အိုးခြမ်း ကွဲဖြင့် ဖြစ်စေ ကျွိကျွိ။ ဗြိဗြိ အသံကို ပြုရန် မလွယ်ကူပါ။
ထိုယောက်ျားသည် ပင်ပန်းရုံဆင်းရဲရုံမျှသာ ဖြစ်ရာပါ၏ ဟု (လျှောက်ကြားကြ ကုန်၏)။ ရဟန်းတို့ ဤအတူပင် သင့်လျော်သော အခါ အားဖြင့် လည်းကောင်း၊ မသင့်လျော်သော အခါ အားဖြင့် လည်းကောင်း၊ ဟုတ်မှန်သော အားဖြင့် လည်းကောင်း၊ မဟုတ် မမှန်သော အားဖြင့် လည်းကောင်း၊ သိမ်မွေ့ (ပြေပြစ်)သော အားဖြင့် လည်းကောင်း၊ ကြမ်းတမ်းသော အားဖြင့် လည်းကောင်း၊ အကျိုး (အကြောင်း) နှင့် စပ်သော အားဖြင့် လည်းကောင်း၊ အကျိုး (အကြောင်း)နှင့် မစပ်သော အားဖြင့် လည်းကောင်း၊ မေတ္တာစိတ် ရှိကုန်၍ လည်းကောင်း၊ ပြစ်မှားသော စိတ်ရှိကုန်၍ လည်းကောင်း သင်တို့ကို သူတစ်ပါး တို့က ပြောဆိုမူ ပြောဆို နိုင်ရာသော စကား လမ်းကြောင်းတို့သည် ဤငါးပါးတို့တည်း။ ရဟန်းတို့ သင့်လျော်သော အခါအားဖြင့် ဖြစ်စေ၊ မသင့်လျော်သော အခါအားဖြင့် ဖြစ်စေ သူတစ်ပါးတို့ ပြောဆိုမူ ပြောဆို ကုန်ရာ၏၊ ဟုတ်မှန်သော အားဖြင့်ဖြစ်စေ၊ မဟုတ် မမှန်သော အားဖြင့် ဖြစ်စေ သူတစ်ပါးတို့ က ပြောဆိုမူ ပြောဆို ကုန်ရာ၏၊ သိမ်မွေ့ (ပြေပြစ်)သော အားဖြင့် ဖြစ်စေ၊ ကြမ်းတမ်းသော အားဖြင့် ဖြစ်စေ သူတစ်ပါးတို့က ပြောဆိုမူ ပြောဆို ကုန်ရာ၏၊ အကျိုး (အကြောင်း) နှင့် စပ်သော အားဖြင့် ဖြစ်စေ၊ အကျိုး (အကြောင်း) နှင့် မစပ်သော အားဖြင့် ဖြစ်စေ သူတစ်ပါးတို့က ပြောဆိုမူ ပြောဆို ကုန်ရာ၏၊ မေတ္တာစိတ် ရှိကုန်၍ ဖြစ်စေ ပြစ်မှားသောစိတ် ရှိကုန်၍ ဖြစ်စေ သူတစ်ပါးတို့က ပြောဆိုမူ ပြောဆို ကုန်ရာ၏။ ရဟန်းတို့ (သို့ပြောဆိုရာ) စကား လမ်းကြောင်းတို့၌ သင်တို့သည် ဤသို့ ကျင့်ရမည်၊ “ငါတို့၏ စိတ်သည် ဖောက်ပြန်မှု မဖြစ် လတ္တံ့၊ ယုတ်ညံ့သော စကားကိုလည်း မမြွက်ဆိုကြ ကုန်အံ့၊ အစီးအပွားဖြင့် ငဲ့ညှာကာ မေတ္တာစိတ် ရှိကုန်လျက် ပြစ်မှားသောစိတ် မရှိကြကုန်ဘဲ နေကြကုန်အံ့၊ ထိုပုဂ္ဂိုလ်ကိုလည်း မေတ္တာနှင့် တကွဖြစ်သော စိတ်ဖြင့် ဖြန့်၍ နေကြကုန်အံ့၊ အကြွင်းမဲ့ သတ္တ၀ါ အားလုံးကိုလည်း ထိုမေတ္တာစိတ်၏ အာရုံ ပြုလုပ်လျက် ပြန့်ပြောသော မြတ်သည်၏ အဖြစ်သို့ ရောက် သော အပိုင်းအခြား ပမာဏ မရှိသော ရန်မရှိသော ဆင်းရဲခြင်း မရှိသော ကြောင်ရေအိတ်နှင့် တူသော စိတ်ဖြင့် ဖြန့်၍ နေကြကုန်အံ့” ဟု ဤသို့လျှင် သင်တို့သည် ကျင့်ရမည်။
၂၃၂။ ရဟန်းတို့ ယုတ်မာမှု ရှိသော ခိုးသူတို့သည် နှစ်ဖက်ရိုး ရှိသော လွှဖြင့် အင်္ဂါကြီးငယ်တို့ကို အကယ်၍လည်း တိုက်ဖြတ်ကုန် ငြားအံ့၊ ထိုသို့ တိုက်ဖြတ်ရာ၌လည်း စိတ်ပြစ်မှားသော သူသည် ထိုစိတ် ပြစ်မှားခြင်းဖြင့် ငါ၏ အဆုံးအမကို ပြုကျင့်သူ မဟုတ်၊ ရဟန်းတို့ ထိုသို့ တိုက်ဖြတ်ရာ၌လည်း သင်တို့ သည် ဤသို့ ကျင့်ရမည်၊ “ငါတို့၏ စိတ်သည် ဖောက်ပြန်မှု မဖြစ် လတ္တံ့၊ ယုတ်မာသော စကားကိုလည်း မမြွက်ဆိုကြ ကုန်အံ့၊ အစီးအပွားဖြင့် ငဲ့ညှာကာ မေတ္တာစိတ် ရှိကုန်လျက် ပြစ်မှားသောစိတ် မရှိကြ ကုန်ဘဲ နေကြကုန်အံ့၊ ထိုပုဂ္ဂိုလ်ကိုလည်း မေတ္တာနှင့် တကွဖြစ်သော စိတ်ဖြင့် ဖြန့်၍ နေကြ ကုန်အံ့၊ အကြွင်းမဲ့ သတ္တ၀ါ အားလုံးကိုလည်း ထိုမေတ္တာစိတ်၏ အာရုံ ပြုလုပ်လျက် ပြန့်ပြောသော မြတ်သည်၏ အဖြစ်သို့ ရောက်သော အပိုင်းအခြား ပမာဏ မရှိသော ရန်မရှိသော ဆင်းရဲခြင်း မရှိသော မေတ္တာနှင့် တကွဖြစ်သော စိတ်ဖြင့် ဖြန့်၍ နေကြကုန်အံ့” ဟု ဤသို့ သင်တို့ ကျင့်ရမည်။
၂၃၃။ ရဟန်းတို့ သင်တို့သည် ဤလွှ ဥပမာရှိသော အဆုံးအမ သြ၀ါဒကိုလည်း မပြတ် နှလုံး သွင်းကြ ကုန်လော့၊ ရဟန်းတို့ သင်တို့သည် မခံနိုင်လောက်သော ငယ်ငယ် ကြီးကြီး ဖြစ်သော ထိုစကား လမ်းကြောင်းကို သင်တို့ တွေ့မြင်ကြကုန် သလောဟု (မေးတော် မူ၏)။ အသျှင်ဘုရား မတွေ့မြင်ကြပါ ဟု (လျှောက်ကြ ကုန်၏)။ ရဟန်းတို့ ထို့ကြောင့် ဤလွှ ဥပမာရှိသော အဆုံးအမ သြ၀ါဒကို မပြတ် နှလုံး သွင်းကြ ကုန်လော့။ ထိုအဆုံးအမ သြ၀ါဒသည် သင်တို့ အတွက် ရှည်မြင့်စွာသော ကာလ ပတ်လုံး စီးပွားခြင်းငှါ ချမ်းသာခြင်းငှါ ဖြစ်လတ္တံ့ ဟု မြတ်စွာဘုရားသည် ဤတရားတော်ကို ဟောတော် မူ၏။ ထိုရဟန်းတို့သည် မြတ်စွာဘုရား ဟောတော် မူသော တရားတော်ကို နှစ်လိုသည် ဖြစ်၍ ၀မ်းမြောက်စွာ ခံယူကြလေ သတည်း။